Білім ордасында Отбасы мерекесі аталып өтілді...
Қыркүйектің екінші жексенбісіне тұспа-тұс келеген Отбасы мерекесін атап өтуде уақытша келеңсіздік тұсау бола алмады. Адам өмірінің тамаша жақтары жүзеге асатын... адамның ең басты шаттығы болып саналатын балалардың өсіп, өмір сүретін орны-отбасы болғандықтан, Маяковский атындағы орта мектептің ұжымы мерекені атап өтуді «Біз біргеміз!» ұранымен бастады. Жұмыла жұдырық бола білген әр отбасы өздерін жан-жақты екендіктерін тағы бір мәрте дәлелдей білді десек қателеспейміз. Арнайы мерекені атап өтуге жасалған жоспар бойынша сыныптар берілген тапсырмаларды орындауға құлшына кірісіп, бұл орайда оқшылардың ата-аналары да іс-шарадан тыс қалмады. 1-2 сынып бүліршіндерінің «Менің бақытты отбасым» тақырыбында салынған суреттерінде бала ойынан шыққан бақытқа толы балалық шақтары бейнелесе, 3-4 сынып оқушылары тарапынан отбасымен бірге түскен «Шынай бақыт-отбасы бақыты» фотосуреттері көпшілік назарына ұсынылды. 2-11 сыныптарда «Отбасы-бақыт мекені», «Бақытты жанұя-бақытты ел», «Отбасы –Отанымыздың ошағы» тақырыптарында тәрбие сағаттары өткізіліп, оқушылардың, олардың ата-аналарының жүрекжарды ойлары ортаға салынды. 7-9 сынып оқушыларының жасаған видеороликтерінен адамның жеке тұлға болып ер жетіп өсуі мен адамгершілік қасиеттерді бойына сіңіруі жанұяда қалыптасатынына куә болдық. Мектеп психологтері И.Т.Тагиева, М.М.Ибраимовалар 8-11 сынып оқушыларымен қашықтан «Менің отбасым- менің тірегім» атты сауалнама жүргізіп, сауалнама нәтижесі ұл-қыздарымыздың бойына ар-ұят, адамгершілік, инабаттылық, сүйіспеншілік, береке-бірлік, жанашырлық және т.с.с. асыл қасиеттерді бойына дарытатын имандылықтан бастау алған берекелі отбасының зор әсері баршылық екеніне көз жеткізді.
Мектеп психологі И.Т.Тагиева 7 орыс сыныбының (сынып жетекшісі Кабдуалиева Г.К) оқушылары және ата-аналарымен өткен «Счастье рождается в семье» атты отбасы марафоны – мерекенің қорытындысы бола білді. Қолайлы орта жағдайын туғызудан басталған бұл іс-шара марафонға қатысушылардың барлығын көтеріңкі көңіл силап, әрбір ата-ана шынайы отбасының осындай бірлігі жарасқан орта, бала тәрбиесіндегі басты ұжымы екенін ұғынды. Сөз алған әр ата-ана отбасындағы құндылықтарымен бөлісіп, Отбасының басты мақсаты мен темірқазығы – бала тәрбиесі , ал, жанұя тәрбиесі – тәрбие алудың негізгі іргетасы екенін атап өтті. Марафонға балалардың дайындауымен отбасылық видеороликтер ұсынылып, артынша отбасылық 5 ән орындалды. Сондай-ақ, ата-аналарға арналып отбасылық салт-дәстүрлер мысалындағы жаднама да назардан тыс қалмады.
Сөз соңында айтарымыз, «Отбасы – ғажап табиғаттың сыйы, тіршілік тірегі» ендеше, қазығы мен діңгегі мықты Отбасы әрқайсысымыздың еншімізге бұйыртсын, өйткені Отбасы-адамзат баласының дүниеге шыр етіп келгенде, есігін айқара ашып енетін үйі, өсіп ержететін, тәрбие алатын аса қажетті, әрі қасиетті алтын бесігі демекпіз.
Отбасы мерекесі барлығымызға құтты болсын!