Дина Нұрпейісова 160 жыл
Қазақстан Республикасы Тәуелсіздігінің 30 жылдығына орай қазақ күй өнерінің алыбы, ұлттық әуеніміздің ұлық өкілі, күй атасы-Құрманғазының төл шәкірті, ұстазының өнерін өрістетіп, өзі де соңына өскелең ұрпақты ерте білген күйші-композитор «Күй анасы» Дина Нұрпейісованың 160 жыл толуына «Маяковский атындағы орта мектебі» КММ-де музыка жетекшісі Б.М.Аксакова мен музыка пәні мұғалімі Н.Т.Абильмажиновтың ұйымдастыруымен «Әсем Қоңыр» атты лекция-концерт болып өтті. Лекция-концертке аудандық мәдениет үйінің қызметкері, «Кәусар» халық ұлт-аспаптар оркестрінің бас домбырашысы, концертмейстері, ҚР мәдениет үздігі Рыспек Жанбота қатысып, Дина Нұрпейісованың «Науай» күйін нақышына келтіре орындап, қатысушыларды күй өнеріне тәнті етті. Оқушылардың дайындаған тақпақтары мен 5 сынып оқушысы А.Қанатпектің орындауындағы «Келіншек» күйі өз кезегінде күйшіге деген сүйіспеншіліктерінің айғағы бола білді.
Іс-шара аясында « Ұлы даланың Ұлы күйшісі» бұрышы жасалып, келушілерге таныстырылды.