«Елімнің бақытын тербеткен-Тәуелсіздік» атты патриоттық әндер байқауы өткізілді

Бүгін 14.12.2021 жыл күні  Жарма ауданы бойынша Қорғаныс істері жөніндегі бөлімі мен «Маяковский атындағы орта мектебі» КММ бірлескен «Елімнің бақытын тербеткен-Тәуелсіздік» атты патриоттық әндер байқауы өткізілді. Байқауға 4-11 сынып оқушылары қатысты. Мектеп директоры Н.М.Садыкова құттықтау сөз сөйлеп, Жарма ауданы бойынша Қорғаныс істер жөніндегі бөлімі бастығы Б.Қ. Қарасаев қатысушыларға сәттілік тіледі. «Жас Сарбаздар» сыныптары орындауындағы әндер көпшіліктің қошеметіне, Н.Турсынның әуендете салған әні жеке орындауда ерекше марапатқа ие болды. 

 Байқау соңында ән-күй мұғалімі  Н.Т.Абильмажинов «Атамекен» әнін көрермендерге жолдап, ұйымдастырушылар тарапынан қатысушыларға алғыс хаттар табысталды.