Алғыс айту күніне арналған іс-шаралар ұйымдастырылды...
Наурыз айының 1 жұлдызы күні «Маяковский атындағы орта мектебі» КММ-нің оқушылары мен бірыңғай «Жас Ұлан» балалар мен жасөспірімдер ұйымы мүшелерінің бірлескен бір күндік іс-шарасы болып өтті.
Жоғары сынып оқушыларының түрлі костюмдер киіп, мектепке келушілерді қарсы алуы, тәттілер таратуы, келушілерді тамаша сөздер айтып, құшақ жая қарсы алуының өзінде терең мән-мағына жатқанын айтып өту керек.
Мектеп фойесіне «Өмірге риза болып, алғыс айт» алғыс бұрышы қойылды. Оқушылардың, ұстаздардың елге, жерге, ата-ана мен ұстаздарына деген жүрекжарды лебіздері қағаз бетіне түсті.
Орта буын сыныптарының «Алғыс айтамыз» атты видеотүсірілімдері де көпшіліктің көңілдерінен шығып, өзіндік тартымымен ойда қалды.
Алғыс айту мерекесі құтты болсын!
