25
март
2018
«Білім беруді жаңарту жағдайында жастардың бойында азаматтық және патриоттық көзқарасты қалыптастыру» тақырыбында облыстық семинар-практикум өткізілді
16.03.18. күні Жарма ауданы білім бөлімінің жоспарына сәйкес АӘД мұғалімдерінің теориялық білімдерін, оқыту мазмұнының ерекшелігін жетілдіру және әдістемелік көмек беру мақсатында «Маяковский атындағы орта мектебі» КММ-де «Білім беруді жаңарту жағдайында жастардың бойында азаматтық және патриоттық көзқарасты қалыптастыру» тақырыбында облыстық семинар-практикум өткізілді. Семинарға ШҚО білім басқармасының «Шығыс» өңірлік орталығының әдіскері Қуатов А.К, облысымыздың әр ауданынан 43 АӘД пән мұғалімдері қатысты. Семинардың қадірлі қонағы ретінде Жарма ауданы Ауғанстан соғысы ардагерлер ұйымының қоғамдық бірлестігінің төрағасы Бургажинов Т.А., Ауған соғыс ардагерлері Траиспаев Н.Ш., Мапетов Қ.М., Жарма ауданы қорғаныс жөніндегі бөлімнің әскери қызметке алу және шақыру бөлімше бастығы капитан Нұртөлеуұлы Д., ҚР әскери – спорттық клубтар федерациясы қоғамдық бірлестігінің Шығыс Қазақстан облысы бойынша төрағасы Тусупов С. А.
Семинар барысында «Ауғанстан – сен менің жүрегім мен есімдесің» атты тарихи – мәдени сабақ; Кеңес әскерінің Ауғанстан жерінен шығуына байланысты әскери-спорттық жарыстың көріністері; «Шығыс Ұландары» сыныбының, Георгиевка орта мектебінің Ұлттық Гвардия командасы, П.Карелин атындағы орта мектебінің барабаншылар командасының Плац-шеруі, Жарма ауданының интернационалист- жауынгерлеріне арналған «Біз Сіздерді мақтан тұтамыз!» аллеясына саяхат; Мектептің «Даңқ» бөлмесіне экскурсия; Жарма ауданының Ауғанстан соғысы ардагерлерінің атқарып жатқан жұмыстары туралы бейнефильм көрсету жұмыстары өткізілді. Семинардың соңында мектеп психологы И.Т.Тагиева ұйымдастырған рефлексияда келген қонақтар семинар туралы өз ойларымен бөлісіп, алғысын білдірді. Семинар өте жоғары дәрежеде өткізілді, деген баға берілді.
