Бүгін Маяковский атындағы орта мектебі бойынша «Мектепке жол» дәстүрлі жалпыреспубликалық қайырымдылық акциясы негізінде  4 оқушыға рюкзак және мектеп құрал-жабдықтарымен көмек көрсетілді. Акцияға қатысқан демеушілер Б.Тлеуқабақ, Қ.Малдыбаева.  Демеушілерге алғысымыз шексіз!

1 қыркүйек Білім күні «Маяковский атындағы орта мектебі» КММ-не алғаш мектеп табалдырығын аттаған бүлдіршіндер үшін өзінің маңыздылығымен есте қалды. Әуендете орындалған әннің үнімен бал-бұл жанған жүздері «Әліппе» мен «Букварь» оқулығын қолдарына алып, ұлттың ұлы ұстазы,  ағартушы-педагог   Ы.Алтынсарин атамыздың «Кел, балалар, оқылық!» ұранымен аяқтарын алшаңдай басып, өздерінің Тәуелсіз елдің еркін ұрпағы екендерін сезінуі- білім ордасы мен ата-аналар үшін бақытты сәттердің бірі болды.

«Маяковский атындағы орта мектебі» КММ-де тамыз айының 25-29 күндері аралығында ұйымдастырылған «Ата Заңым-азат елдің айбыны» атты апталықта 2-11 сыныптардың қатысуымен суреттер сайысы, эссе жазу, тақырыптық тәрбие сағаттары өтті.  Конституцияны құрметтеу және сақтау, оның тарихы мен маңызын білу, өз елімізді, Отанымызды, тарихымызды, құндылықтарымызды құрметтеу және еліміздің дамуына үлес қосу мақсатында өткізілген әрбір іс-шараға оқушылар бір кісідей қатысып, өз үлестерін қоса