31.03.2023 жыл күні Семей қаласында өткен Облыстық «Үздік алғашқы әскери және технологиялық дайындық пәнінің Оқытушы-ұйымдастырушы-2023» байқауына мектебімізден тәрбиеші-офицері Есмұратов Арман Қажымұратұлы қатысып, «АК-74-ті жартылай бөлшектеу және құрастыру» сайысында II-орынды иеленді. Марапат иесін құттықтаймыз!

31.03.2023  жыл күні Жарма ауданы Жастар ресурстық орталығының ұйымдастыруымен өткен «МИСС ЖАРМА-2023» арулар байқауында  мектебіміздің ағылшын тілі пәні мұғалімі  Түсупканова Айсауле Жақсыбайқызы «ГРАН ПРИ» жүлдесін жеңіп алды.  Құттықтаймыз!

«Оқуға құштар мектеп» жобасын іске асыру аясында көктемгі демалыс күндері «Маяковский атындағы орта мектебі» КММ 1-11 сынып оқушылары арасында «Әлем әдебиетін бірге оқимыз» тақырыбында әзірленген видеороликтерін назарларынызға ұсынамыз.

Қасиетті айда мектебіміздің аз қамтылған, көпбалалы отбасына демеушілік көрсетіп, тамаша тәттілерімен тәнті қылған @kalbatau_magazin_aza дүкенінің иесі - Айым ханымға алғыс білдіреміз. Адамның адамдығы- қарапайымдылығы, ең жоғарғы қасиеті –қайырымдылығы мойымасын, мейірімділігі кемімесін дейміз.

«Алтын қазына» көркем және сәндік-қолданбалы өнер бойынша балалар шығармашылығы республикалық көрме-байқауының аудандық кезеңінде «Ағашты, сүйекті, теріні көркемдеп өңдеу» номинациясы бойынша 5-сынып оқушысы Сеилқан Нұрислам (жетекшісі С.С.Нурахатов) ІІІ-орын, «Қағаздан бұйымдар жасау» номинациясы бойынша 5-сынып оқушысы Мухамеджанова Анель (жетекшісі Ж.Д.Рамиева) ІІІ-орын иеленді. Құттықтаймыз!

Ұлыстың Ұлы күні -  Наурыз мейрамына орай мекемелер  арасында өткен "Қазағымның дәстүрлері-ай" атты қазақтың" Сүндет той"  дәстүрін ерекше дәріптеп көрсеткені үшін мектебіздің ұстаздары жүлделі ІІ орынды  жеңіп алды. Құттықтаймыз!

Ағымдағы жылдың 24-25 наурыз күндері  Б.Тұрлыханов атындағы спорт кешенінде аудан мектептері мен ​ мектепке дейінгі мекемелер қызметкерлері арасында дәстүрге айналған  XXIII  спартакиада өтті. Аталған іс-шарада мектебіміздің командасы белсенді қатысып, нәтижесінде волейболдан ерлер командасы ІІ орынға, шахматтан ІІ орынға, армреслингтен ІІІ орынға,  жалпыкомандалық  жүлделі ІІ орынға иеленді.  Жеңісіміз құтты болсын! Алар асулар көп болсын!!!!!

25 наурыз  күні Түркістан  қаласында өткен "Спорт жұлдыздары" журналының жүлдесі үшін Алғашқы әскери және технологиялық дайындық пәні мұғалімдері арасында  пневматикалық винтовкадан атудан өткен республикалық турнирде мектебіміздің " Жас сарбаз " сыныбының  тәрбиешілері Есмуратов Арман Қажымұратұлы  мен Бейсенбеков Ерканат Саматұлы қатысып ІІІ жүлделі орынға ие болып ,  "Үздік АӘД пәні мұғалімі" төсбелгісімен марапатталды. Құттықтаймыз!!!

Ағымдағы жылдың 1 сәуірінен бастап облысымызда жалпы білім беретін мектептердің 1-сыныбына құжаттарды қабылдау бойынша электрондық жүйе жұмыс істей бастайды. Биылғы жазда әр ата-ана мектепке өтінішті өткен жылғыдай үйден шықпай онлайн режимде бере алады.Бірінші сыныпқа қабылдау үшін өтініш беру 1 сәуірде басталып, тамыздың 1-не дейін жалғасады. Мемлекеттік білім беру қызметі egov.kz электрондық үкімет веб-порталы арқылы мен жергілікті атқарушы органдардың ақпараттық жүйелерінде қолжетімді.