2 маусым күні "Маяковский атындағы орта мектебі” КММ-де мектеп жанындағы "Шапағат"жазғы лагерінің ашылуы өтті. Лагердің 1-маусымына әртүрлі жастағы 98 бала қабылданды. "Treasure of English", "Робототехника", "Сиқырлы қылқалам", "Очумелые ручки", "үстел ойындары" үйірмелері және үш жасақ өз жұмысын бастады. Мерекелік концертке бишілердің, әншілердің, домбырашылардың, мектеп мұғалімдерінің шығармашылық ұжымдары қатысты. Балалардан күлкі, қол шапалақ және жақсы көңіл-күй түрінде кері байланыс

Бүгін отбасының қуаныштары, ұрпақ жалғасы - балаларымыздың тамаша мерекесі. Баланың күлкісі мен шаттанып қуанғанына не жетсін! Бір сәбидің ризашылғы – мың алғысқа тұрарлықтай емес пе! Осы күні мектебімізге балаларға базарлығымен біздің жомарт жүректі жандарымыз тағы да  келді. Бұл жолы  жеке кәсіпкер М.Н.Толенгутова кішкентайларды балмұздағымен қуантса, Л.П.Аплакиди аз қамтылған, көп балалы отбасы балаларына  ойыншықтары мен жаздық аяқ киімдерін сыйға тарту етті.  Жақсылық еккен алғыс орады

Балалар жылына орай Халықаралық балаларды қорғау күніне арналған жас суретшілердің шығармашылық «Бояулар құпиясы» байқауы өтті. Балалардың бейнелеу өнеріне деген қызығушылығын, дарынды балалардың шығармашылығын жетілдіру, белсенділігін арттыру мақсатында ұйымдастырылған байқауға «Маяковский атындағы орта мектебі» КММ-нің 5 сынып оқушылары қатысып, жүлделі орындарға ие болды. Кішкентай дарындарымызды жеңістерімен құттықтаймыз!  

Бірнеше жыл бұрын мектеп түлектері атанған оқушылар бүгін  білім ордасына келді. Жақсыны – көрмекке демекші, жаңарған мектеп дәліздерімен жүріп, оқу сыныптарының  бүгінгі тынысымен танысты. Көңілдері толып, ризашылығын білдірген түлектеріміз, мектебіміздің  толық күндік кіші орталыққа кілемдерін сыйға тартты. Білім нәрімен сусындаған, бүгінде түрлі мамандықты меңгеріп,  қызметтің тізгінін ұстаған жастарымыздың бүгінде бізбен бірге болғаны қуантады. 

Мектебіміздің түлегі, жеке кәсіпкер Асем Сейткамалова мектеп ауласын гүлдендіру ( 30 түп раушан өскіні) акциясына өз үлесін қосты. Мен білім алған және менің балам білім алатын мектептің әсем де, әдемі болғанын қалаймын, себебі, киелі білім ордасы сан баланы қарсы алып, қаншама түлек ұшырып отыр. Сондықтан да құшақ жая қарсы алатын орын әрқашанда  тамаша әсер қалдыруы тиіс деді өз сөзінде кәсіпкер. Біз  Асемдей түлектерімізді мақтан тұтамыз!

1 сынып оқушылары арасында жазғы мектепте оқушылардың психоэмоционалды әл-ауқаты үшін жағдай жасау мақсатында педагог-психологтар И.Т.Тагиева  және М.М. Ибраимова   "Көтеріңкі көңіл-күй!» акциясын ұйымдастырды. Акцияның ұраны: "Міне, біз бояуды қолымызға алдық, жалқаулықтан арылдық" Балалар мандалаларды бояп, қағазға ермексазбен жабыстырды. Модельдеу әрқашан балалар үшін қызықты іс. Ермексаз балаларды өзінің ашық түстерімен қызықтырып, жұмыс барысында  ойлау қабілеттерін, қиялын дамыта түсті.