«Оқуға құштар мектеп» жобасын іске асыру аясында көктемгі демалыс күндері «Маяковский атындағы орта мектебі» КММ 1-11 сынып оқушылары арасында «Әлем әдебиетін бірге оқимыз» тақырыбында әзірленген видеороликтерін назарларынызға ұсынамыз.

Қасиетті айда мектебіміздің аз қамтылған, көпбалалы отбасына демеушілік көрсетіп, тамаша тәттілерімен тәнті қылған @kalbatau_magazin_aza дүкенінің иесі - Айым ханымға алғыс білдіреміз. Адамның адамдығы- қарапайымдылығы, ең жоғарғы қасиеті –қайырымдылығы мойымасын, мейірімділігі кемімесін дейміз.

«Алтын қазына» көркем және сәндік-қолданбалы өнер бойынша балалар шығармашылығы республикалық көрме-байқауының аудандық кезеңінде «Ағашты, сүйекті, теріні көркемдеп өңдеу» номинациясы бойынша 5-сынып оқушысы Сеилқан Нұрислам (жетекшісі С.С.Нурахатов) ІІІ-орын, «Қағаздан бұйымдар жасау» номинациясы бойынша 5-сынып оқушысы Мухамеджанова Анель (жетекшісі Ж.Д.Рамиева) ІІІ-орын иеленді. Құттықтаймыз!

Ұлыстың Ұлы күні -  Наурыз мейрамына орай мекемелер  арасында өткен "Қазағымның дәстүрлері-ай" атты қазақтың" Сүндет той"  дәстүрін ерекше дәріптеп көрсеткені үшін мектебіздің ұстаздары жүлделі ІІ орынды  жеңіп алды. Құттықтаймыз!

Ағымдағы жылдың 24-25 наурыз күндері  Б.Тұрлыханов атындағы спорт кешенінде аудан мектептері мен ​ мектепке дейінгі мекемелер қызметкерлері арасында дәстүрге айналған  XXIII  спартакиада өтті. Аталған іс-шарада мектебіміздің командасы белсенді қатысып, нәтижесінде волейболдан ерлер командасы ІІ орынға, шахматтан ІІ орынға, армреслингтен ІІІ орынға,  жалпыкомандалық  жүлделі ІІ орынға иеленді.  Жеңісіміз құтты болсын! Алар асулар көп болсын!!!!!

25 наурыз  күні Түркістан  қаласында өткен "Спорт жұлдыздары" журналының жүлдесі үшін Алғашқы әскери және технологиялық дайындық пәні мұғалімдері арасында  пневматикалық винтовкадан атудан өткен республикалық турнирде мектебіміздің " Жас сарбаз " сыныбының  тәрбиешілері Есмуратов Арман Қажымұратұлы  мен Бейсенбеков Ерканат Саматұлы қатысып ІІІ жүлделі орынға ие болып ,  "Үздік АӘД пәні мұғалімі" төсбелгісімен марапатталды. Құттықтаймыз!!!

Баланың әлемді эмоционалдық тұрғыдан танудағы эстетикалық сезімі, оның жеке шығармашылық дамуы, елестету, қиялдау қабілеттерінің және көркем шығармашылығының дамуын ынталандыру мақсатында 17- наурыз күні мектебіміздің еңбек пәні мұғалімдерінің ұйымдастыруымен 1-5 сынып оқушыларына «Наурыз нұры» суреттер байқауы өтті.

Білім беру ұйымдарының педагогтары мен оқушыларына өздерінің кәсіби және шығармашылық потенциалдарын танытып, қабілет-қарымын одан ары ұштай түсуге ықпал ету мақсатында қашықтан ұйымдастырылған  "Бояулар құпиясы" республикалық жас суретшілер байқауына мектебімізден 33 талапкер қатысып, жүлделі орындарға ие болды.

20 наурыз күні Абай облысы білім басқармасының «Дарындылық пен қосымша білім беруді дамытудың облыстық ғылыми-әдістемелік «Дарын» орталығы» білім беру ұйымдарында Мектеп Парламентінің өңірлік жоспары негізінде Жарма ауданының мектеп оқушылары мен тәлімгерлері үшін ұйымдастырылған «Көшбасшы мектебіне»  мектебіміздің Мектеп Парламент мүшелері қатысып қайтты.

2023 жылдың  14 наурыз күні Zoom онлайн платформасы арқылы республикалық «Мектеп психологының әртүрлі типтегі отбасылармен жұмысының тиімді формалары мен әдістері» атты вебинар өтті. Вебинарда мектебіміздің педагог-психологі Тагиева Индира Таваккул-қызы « Педагог-психолог жұмысындағы отбасымен жүйелі тәсіл түрлері» тақырыбында баяндама жасады.