27.01.2023 жыл күні мектебіміздің музыка  жетекшісі Н.М.Баяхметова мен музыка пәні мұғалімі Б.М.Аксакованың ұйымдастыруымен қазақтың біртуар ұлы, данышпан ақын, ойшыл, дана ғұламаларының бірі, қазақ әдебиетінің шоқтығы биік ірі тұлғасы Абай Құнанбайұлының шығармашылығына арналған “Абай әндері” атты әдеби-сазды кеші өтті. 5-6- сынып оқушыларына  Абайдың қара сөзінен үзінді оқылып, тағлымы биік ақынның "Көзімнің қарасы","Бойы бұлғаң" т.б әндері мен өлеңдері оқушылардың орындауында  ортаға салынды.

26 қаңтар күні мектеп тәлімгері Ж.Ғ.Кеңесованың ұйымдастыруымен   «Мен таңдаған мамандық» тақырыбында тренинг өткізілді. Оқушыларға мамандықтың түрлері, олардың адам өміріндегі маңызы туралы түсінік бере отырып, өз бейіміне сәйкес мамандық таңдай білуіне ықпал жасау, түрлі жаттығулар арқылы таным процестерін дамыту мақсатында ұйымдастырылған  басқосуда  9- сынып оқушылары армандарымен бөлісіп, таңдау жасаған мамандық мұхитында жүзуге мүмкіндік алды.

24.01.2023 жыл күні мектептің 6-шы сынып қыздарымен оқушыларды бір– бірімен, айналадағы ортамен үйлесімді қарым – қатынас жасауға дағдыландыру, мәдени сөйлеу біліктілігін дамытуға, өзара жағымды қарым – қатынасын арттыру, адамгершілікке, шындыққа, достыққа, ұйымшылдыққа тәрбиелеу мақсатында педагог-психолог М.М. Ибраимова мен әлеуметтік педагог А.Ж.Тюлегетаева   «Әдемі күл, сыпайы жүр,сұлу ойлан» атты кездесу өткізді.      Қыздар кездесуге белсене қатысып,бүгінгі кездесуден жақсы әсер

Сағадат Нұрмағамбетов атындағы Құрлық әскерлері Әскери инстититутының ІІ-курс курсанты Айдаболов Ернур Ерболатович бүгінде мақтан тұтар мектеп түлектерінің бірі. Ернұр  білім алатын оқу ордасында өзінің жоғары білімі мен тәрбиесі, сондай-ақ батылдығы, қайсар мінезімен көзге түсіп, өзі оқып білім алған мектебіне институт басшысы полковник Б.Ибатулиннің атынан «Алғыс хат» әкеліп табыстады.   Жарайсың Ернұр, алар асуларың көп болсын демекпіз!

Қыздармен әңгімелесе отырып, ар-намысын, сұлулығын жоғары қоя біліп, жұрт алдында абыройлы болуға тәрбиелеу мақсатында қаңтар  айының 17 -сі күні  педагог- психолог М.М Ибраимова және әлеуметтік педагог А.Ж Тюлегетаева 8 «Б» сынып қыздарымен «Қыз қылығымен көрікті» атты кездесу өткізді.

Қатысушылар өз-өзін дамыту, қоршаған ортамен жағымды қарым-қатынас құра білу және  өз-өзіне сенімді болуға тәрбиелеу мақсатында 2023 жылдың 19-шы қаңтарында педагог-психологі М.М.Ибраимова және әлеуметтік педагог А.Ж Тюлегетаева 8 «А» сынып оқушыларымен «Біле жүріңіз...» атты оқушылармен  әңгіме өткізді. Кездесу барысында бірнеше жаттығулар орындалып, жағдаяттар талқыланды. Оқушылар өз ойларын ортаға салып, кездесуден жақсы әсер алғандарын айтты.

Қарты бар үйдің қазынасы бар демекші, бүгін 9-шы «Жас Сарбаз» сыныбының оқушылары офицер-тәрбиеші А.А.Садуовтың жетекшілігімен ардагер ұстаз В.Г.Копьеваның үйіне барып, көмек қолын ұсынып қайтты.  Жақсылықтың жанынан көрінген жеткіншектердің қайырымдылық істеріне өз ризашылығын білдірді.

Дарынды оқушыларды қолдау үшін жағдай жасау, олардың шығармашылық қабілеттерін және рухани-адамгершілік қасиеттерін дамыту мақсатында  «Бөбек» ҰҒПББСО РМҚК ұйымдастыруымен өткен «Асыл жүрек» республикалық балалар шығармашылығы фестивалінің эссе жазу бағамы бойынша мектебіміздің оқушылары Ермек Аяла, Толымхан Бақыт, Сақтағанова Дильназ, Айтқазы Саяжандар қатысып, жүлделі І,ІІ,ІІІ –дәрежелі дипломдармен марапатталды.  Жетекшілері- А.Ж.Тюлегетаева. Марапат иелерін құттықтаймыз!

Жаңа жыл балалар үшін көптен күткен мереке, ғажайыптар мен тілектердің орындалу уақыты. Біздің мектепте  Маяковский Ом Жарма Ауданы оқушылардың Аяз Атаға жазған хаттарындағы тілектері орындалды.  Жарма ауданы филиалы, Абай облысы Кәсіпкерлер палатасының басшысы   Канат Шарипов бастамасымен жеке кәсіпкерлер мен ауданның шаруа қожалықтары басшыларының демеушілігімен  мектеп оқушыларына нағыз мереке мен жаңа жылдық сиқыр сезімін сыйлауға мүмкіндік берген "Еркежан" ШҚ басшысы Адыбаева Фариза

Жаңа Жыл мерекесі жақсылықтар жасаудан басталды. Бала көңілі мен қуанышы әр адам үшін маңызды деп білсек, сол балалардың көздерінен үміт отын жағудың өзі бір ғанибет емес пе! Мектебіміздің «ерекше» балаларымен жекелеме жұмыс жасайтын  ұстаздары Жаңа Жыл мерекесі қарсаңында балаларға арналған тамаша сыйлықтарымен «ерекше» балалардың отбасылық  қуаныштарына куә болды.  Жүректері жылуға толы, мейірімділік пен жомарттықты қатар қоя білген мектеп ұстаздарына айтар алғысымыз шексіз дегіміз келеді.