16.03.2023 жыл күні «Маяковский атындағы орта мектебі» КММ-де мектепішілік жалпы ата-аналар жиналысы өтті. Мектеп директоры Н.М.Садыкова оқу-тәрбие үдерісіндегі ағымдағы атқарылған жұмыстар легімен  таныстырып, ІІІ-тоқсандағы оқушылардың  республикалық, облыстық, аудандық сайыстардың және пәндік олимпиада жетістіктерін атап өтті.  Жарма аудандық полиция аға лейтенанты М.К.Мамилов жасөспірімдердің өмір қауіпсіздігі жайлы сөз қозғап, құқықбұзушылықтың алдын-алу бойынша іс-шараларда ата-аналардың

16.03.2023 жылы     «Маяковский атындағы орта мектебі» КММ –де «Үздіксіз білім беру жүйесіндегі тұлға тәрбиесінің тұжырымдамалық    негіздері» әдістемелік нұсқауы аясында  4 сыныптардың ата-аналарымен «Менің балам кіші буын оқушысы!» бағыты бойынша  «Ата-ана бала тәрбиесінің айнасы» атты ата-аналар жиналысы өтті. Мектеп психологтері, сынып жетекшілері және ата-аналардың бірлескен түрдегі жұмыстары ортағы салынған жиналыста бала тәрбиесінің басты айнасы  ол - ата-ана екендігі көз жеткізді.

Ұлыстың ұлы күні – Наурыз мерекесі қарсаңында мектебіміздің 1-11 сыныптарында «Наурыз-бірлік пен ынтымақ мерекесі» атты сынып сағаттары өтті.

Қазақ халқында балаларға арналған ұлттық ойындар жетіп артылады. Бұл ойынның барлығы балаларды физикалық тұрғыда дамытуға, ойлау қабілетін жетілдіруге, епті болуға бейімдейді. Осы орайда, мектебімізде 12-13 жастағы балаларға арналып дене шынықтыру пәні ұстаздары «Ұлттық ойын-ұлттың игілігі» атты ұлттық спорттық ойындарынан жарыс ұйымдастырды. Наурыз мерекесіне орайластыра өткізілген жарыста оқушылар тоғызқұмалақ, арқан тарту, асық ату т.б ойын түрлерінен күш сынасты.

Көпшілікке киім атаулары мен олардың түсініктемелерін насихаттау және ұлттық киімдер жайлы жетік біліп жүру мақсатында 1-11 сыныптар арасында мерекелік ұлттық киім көрмесі ұйымдастырылды. Әр киімнің  тарихы түсіндірілген  көрменің өз құндылығы, мәні мен мағынасы мол болды. Қазақ халқының ұлттық киімдерінің түрі де, үлгісі де еш халықтан кем болмаған, оның көркем үлгілері тіпті әлемнің этнографиялық мұражайлары мен көрмелерінен орын алған. Біз ұлттық киімдермен мақтанамыз.

Сөз қасиеті мен қадірін жете түсінген қазақ бата беруге, бата алуға аса мән берген. «Ұлыстың ұлы күні-Наурыз» мейрамын мерекелеу қарсаңында мектебімізде аға ұрпақты қастерлеу салтымен 6-сынып оқушылары ауылымыздың ақсақалы Танатаров Заманбек Мұқанұлы  атаны арнайы шақырып,  ақ батасын алды.  Шынайы жүректен шыққан бата ғана қабыл болады демекші, мерекеде берген бата қабыл болсын! Наурыз мерекесі баршамызға құтты болсын!

Көркем әдебиет арқылы жасөспірімдердің рухани-адамгершілік әлеуетін дамыту, кітап оқуға қызығушылығын арттыру мақсатында «Маяковский атындағы орта мектебі» КММ кітапханасында «Оқуға құштар мектеп» жобасы аясында және 2 сәуір Халықаралық балалар кітабы күніне орай балалар жазушысы Ыбырай Алтынсаринның «Кел, балалар, оқылық!», «Таза бұлақ», «Қыпшақ Сейтқұл», «Асан мен Үсен» повестері бойынша 4 сынып оқушылары арасында 10 күндік челлендж ұйымдастырылды.