Нұр себеле, Ұлыстың ұлы күні!

20.03.2018 жылы «Маяковский атындағы орта мектебі» КММ –де «Нұр себеле, Ұлыстың ұлы күні!» атты наурыз мерекесіне арналған мектепішілік іс-шара өткізілді.
Мереке – салтанатты мектепішілік тізілістен басталып, мектеп директоры Н.М.Садыкова құттықтап сөз сөйлеп, жоспармен таныстырды.
Оқушылардың елін сүюге, салт-дәстүрлі мерекелерді құрметтеуге, адамгершілік жақсы қасиеттерді бойларына сіңіре білуге тәрбиелеу мақсатымен мектепте «Шеберлер», «Жарапазаншылар», «Шығармашылар» (тақырыбы: «Нұр себеле-ұлыстың ұлы күні»), «Тоғызқұмалақшылар», «Ұлттық ойыншылар», «Ұлттық тағамшылар» атты 6 ауыл жұмыс жасап, 5-8 сынып оқушылары сайыстарда бақтарын сынасты. Сайыстар ұйымдастырушылар мен әділқазылар тарапынан оң бағаланып, жеңімпаздар мадақтамалармен марапатталды.
9-11 сынып оқушылары өз тараптарынан ұлттық салт- дәстүр мен әдет-ғұрыпты дәріптеуге арналған көріністер мен мың бұралып би билеп, дәстүрлі әндерді орындады.
Мереке соңы наурыздық ақ дастарханмен жалғасын тапты.