«Оқуға құштар мектеп» жобасының ашылуы

Қараша айының 30-ыншы жұлдызында «Маяковский атындағы орта мектебі» КММ-де «Оқуға құштар мектеп» жобасының ашылуы болып өтті. Еліміздегі кітапханалар ахуалы мен көркем әдебиеттерге деген оқушылардың қызығушылығын арттыру мақсатында қолға алынып отырған  бұл жобаны құптаушылар арамыздан көптеп табылды. Мектеп директоры Н.М.Садыкова жобаны түпкілікті түсіндіре отырып оқушыларды кітапқа деген сүйіспеншіліктерін оятып қана қоймай, елінің ертеңі болар ұрпақты саналы да тәрбиелі болудың басты кілті –кітапта екенін тағы бір мәрте нақтылап өтті. Алдағы уақытта оқушылардың кітапқұмарлығын арттырып қоймай, сонымен қатар, ата-аналарымыздың да кітапқа деген қызығушылығын ояту қолға алынатынын басып айтты.