4–сынып оқушылары арасында «Ертегілер еліне саяхат» атты сахналық қойылым сайысы өткізілді.

"Оқуға құштар мектеп" жобасы аясында және мектеп оқушыларын оқыған ертегілерін сахналауға, кітап оқуға қызығушылықтарын арттыру, кітап оқу арқылы ұстамдылыққа, өзін–өзі тәрбиелеуге, кітапты ұқыпты ұстауға үйрету мақсатында 28 қазан күні мектебіміздің кітапханашылары Жунусова Анар Алимжановна мен Мурат Зарина Ермековнаның ұйымдастыруымен 4–сынып оқушылары арасында «Ертегілер еліне саяхат» атты сахналық қойылым сайысы өткізілді.  Оқушылар «Қызыл телпек», «Жеті лақ», «Шалқан» ертегілерін сахналады. Әділқазылар алқасы ретінде Георгиевка орта мектебінің кітапханашысы Ахметжанова Г.А. мен Абай атындағы көпсалалы мектеп гимназиясының кітапханашысы Секенова М.С. шақырылды. Қонақтар оқушыларға алғыстарын айтып, болашаққа деген жақсы тілектерін білдірді. Өнер көрсеткен оқушылар мадақтама қағаздарымен марапатталып, қатысушыларға сыйлық ретінде қызықты кітаптар табысталды.

#abayoblysy #Біртұтас_тәрбие #Біртұтас_тәрбие_Абай_облысы_Жарма #АПҚО_Абай_облысы_Жарма