Мектебіміздің мұғалімдері Семей қаласындағы Назарбаев Зияткерлік мектебінде тағылымдамадан өтті

«Ауылдық жерлерде тірек мектептердің әлеуетін дамыту» жобасының   жоспарына сәйкес мектебіміздің мұғалімдері Семей  қаласындағы Назарбаев Зияткерлік мектебінде тағылымдамадан ( стажировка)  өтті.  Мұғалімдер үшін  зияткерлік мектептегі әріптестер арнайы бағдарлама әзірлеп, түрлі пәндерден тәжірибе алмасуға жағдай жасады. Одан бөлек, мектеп әкімшілігі, кітапханашылар, психологтар өз салалары бойынша сабақтар өткізді, пән мұғалімдері сабақтан кейін дөңгелек үстелде бас қосты. Осындай шаралар жалғасын табады.