"Даналық мектептері" жұмысының үздік тәжірибесі" көшпелі семинары өтті.

Мамыр айының 15 күні «Маяковский атындағы орта мектебі» КММ-де облыстық "Ата-аналарды педагогикалық қолдау орталығының негізінде құрылған  "Даналық мектептері" жұмысының үздік тәжірибесі" көшпелі семинары өтті. Облыстың әр ауданынан келген семинар қатысушыларына арналған пленарлық бөлімде келушілерге қосымша білім берудегі оқушылардың жетістіктері көрмесі ұсынылып, қонақтарға мектеп ішіне экскурсия ұйымдастырылды. Ата-аналарды педагогикалық қолдау орталығының мектеп қабырғасында атқарылып жатқан жұмыстармен таныстырылып, білімнен кәсіпке қарай бет бұрған жаңа көзқарастағы жас жеткіншектермен жұмыс түрі көрсетілді. 
Ата-ана, мектеп, оқушы арасындағы мызғымас бірлескен жұмыс оң нәтижемен алдағы уақытта жалғасын таба беретініне сеніміміз мол.