7-8 сынып ұлдары арасында баскетболдан мектепішілік жарыс өткізілді

2021 жылдың 2 қараша күні Маяковский атындағы орта мектебінде Қазақстан Республикасы Тәуелсіздігінің 30-жылдығына арналған 7-8 сынып ұлдары арасында баскетболдан мектепішілік жарыс өткізілді. Жарыстың мақсаты: Оқушылар арасында баскетболдың келешекте дамуын және деңгейін көтеру; спортшылардың шеберлігін жоғарылату; салауатты өмір салтын насихаттау.
Мектеп біріншілігіне тапсырыс берген 7 команда қатысты. Жарыс бір кезеңде, айналмалы жүйе бойынша өтті. Жарыс қорытындысы бойынша ІІІ-орынға 7 «А» «Жас Сарбаз» сыныбы, ІІ-орынға 8 «Ә» сыныбы, І-орынға 8 «А» «Жас Сарбаз» сыныбы ие болды, барлық жүлдегерлер мен жеңімпаз мектеп әкімшілігінің граматосымен марапатталды.