«Зорлық-зомбылықсыз 16 күн» акциясы

«Зорлық-зомбылықсыз 16 күн»  акциясы аясында  «Маяковский атындағы орта мектебі» КММ-не арнайы Жарма аудандық полиция бөлімінің әйелдерді зорлық-зомбылықтан қорғау инспекторы, майор А.Е.Кунанбаева мен кәмелетке толмағандар ісі жөніндегі учаскелік инспектор М.К.Мамиловтар келіп, 7 сынып оқушыларымен «Зорлық-зомбылықсыз отбасы» тақырыбында әңгіме жүргізді. 

Жасөспірімдерге отбасылық құндылықтар айтылып, кешіре білу мен кішіпейіл болудың басты мазмұны түсіндірілді. Сондай-ақ, балаға қатысты көрсетілетін әлемежеттік,  құқығын таптау, отбасындағы, қатарластары тарапынан болатын   кикілжің, қатыгездік сынды жат қылықтардан  аулақ болуға шақырды.