Кездесу өте қызықты әрі ұмытылмастай өтті

24 ақпан күні мектеп психологтары И.Т Тагиева мен А.О Ұлыбаева және әлеуметтік педагог Ә.Ж Тюлегетаева бірлесе отырып мектеп оқушыларымен мамандықтар әлеміне саяхат жасауды жалғастыра отырып, Қалбатау ауылындағы ең жас кәсіпкер, ерекше маман иесі, омарташы- Тамерлан мырзамен кездесу ұйымдастырды. Кездесу барысында омарташы ара мен балдың түрлерімен таныстырып, балдың  адам өміріне маңыздылығын, араның табиғатқа деген пайдалы тұстарын айтып, қызықты деректерімен бөлісті.  Балдың алу жолдары бейнематериалдар арқылы оқушыларға таныстырып,  сұхбат жүргізді. Сонымен қатар,  оқушыларды сергіту мақсатында "Аралар сөйлейді" , "Бал жинайық,  балақай" атты ойындар ойнатылып,  сыйлықтар таратылды. Кездесу өте қызықты әрі ұмытылмастай өтті.